ıAdrolyq qarýsyzdanýda Qazaqstannyń kóshbasshylyǵy barsha álemge áser etti - Robert Floıd

NUR-SULTAN. QazAqparat – Qazaqstannyń Tuńǵysh Prezıdenti Semeı ıadrolyq polıgonyn jabý arqyly strategııalyq sheshim jasady. Bul týraly Qazaqstanǵa resmı saparmen kelgen ıAdrolyq synaqtarǵa jappaı tyıym salý týraly shart uıymynyń (ıASJTShU) Atqarýshy hatshysy Robert Floıd málim etti, dep habarlaıdy QazAqparat tilshisi.

Aıta keteıik, jaqynda qyzmetke kirisken Robert Floıdtyń bul alǵashqy sheteldik sapary bolyp otyr.

«Qazaqstanǵa jasaǵan osy saparym óte mańyzdy. Osynda kelýimniń basty sebebi – ıAdrolyq synaqtarǵa qarsy Halyqaralyq is-qımyl kúnine óz úlesimdi qosý. Bul dataǵa oraı Qazaqstanda bolýdyń mańyzy zor», - dedi ol QR Syrtqy ister mınıstrliginde ótken brıfıngide.

Sonymen qatar ol Semeı polıgonynyń aýmaǵynda bolǵanyn aıtty.

«Ol jerde orasan zor zardap keltirgen ıadrolyq synaqtar ótti. Sonyń saldarymen kúresip júrsizder, ıaǵnı turǵyndar densaýlyǵyna eleýli zalal keltirilip, ekologııalyq apat boldy. Atap aıtqanda, 30 jyl buryn Qazaqstannyń Tuńǵysh Prezıdenti Nursultan Nazarbaevtyń Jarlyǵymen Semeı ıadrolyq polıgony jabyldy. Bul óz kezeginde strategııalyq sheshim boldy. Osy sheshim basqa elder úshin synaqtardy toqtatýǵa tyń serpin berdi. Bul baǵytta Qazaqstannyń kóshbasshylyǵy barsha álemge qalaı áser etkenin baıqadyq. Osy oraıda Nursultan Nazarbaev Qazaqstan taǵdyry úshin ózine jaýapkershilik alyp, ıadrolyq qarýsyzdaný men taratpaýda jahandyq kóshbasshy boldy», - dedi Robert Floıd.

Ol bul baǵyttaǵy Qazaqstannyń qadamdaryn adamzat úshin strategııalyq durys sheshim ekenin atap ótti.

Aıta keteıik, búgin QR Prezıdenti Qasym-Jomart Toqaev ıAdrolyq synaqtarǵa tolyq tyıym salý týraly shart uıymynyń basshysy Robert Floıdty qabyldady.

Sonymen qatar, Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi Qazaqstanǵa resmı saparmen kelgen R.t Floıdpen kezdesti.