ıAdrolyq qarýsyzdaný: Álemde shıelenis áli de baıqalyp otyr –QR Prezıdenti

NUR-SULTAN. QazAqparat – QR Prezıdenti Qasym-Jomart Toqaev ıadrolyq qarýsyzdaný salasynda álemde áli de bolsa qaýipti shıelenis baıqalyp otyrǵanyn atady, dep habarlaıdy QazAqparat tilshisi.

«Elbasyn búkil álemdik qoǵamdastyq antııadrolyq qozǵalystyń kóshbasshysy retinde ádil tanyp otyr. Ol ıadrolyq qarýsyzdanýǵa jahandyq jáne óńirlik qaýipsizdikti qamtamasyz etýge orasan zor úles qosty. Osy jyldary Nursultan Nazarbaev myrza birqatar eleýli bastamalar jasady. Olar halyqaralyq qaýipsizdikti qamtamasyz etýdegi mańyzdy faktorlarǵa aınalyp otyr. Bul - Ortalyq Azııada ıadrolyq qarýdan azat aımaqty qurý týraly elimizdiń aýmaǵynda MAGATE qamqorlyǵymen tómen baıytylǵan ýran bankin ornalastyrý týraly Qazaqstannyń ırandyq ıadrolyq problemany retteýdegi deldaldyq mıssııasy. Osynyń bári jahandyq turaqtylyq pen senimniń irgetasyn aıtarlyqtaı nyǵaıta tústi. Áli de bolsa álemde qaýipti shıelenis baıqalyp otyr. Bul týraly Elbasy óziniń «Álem. XXI ǵasyr» atty manıfesinde aıtyp ótken bolatyn», - dedi QR Prezıdenti búgin elordada ótken «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tabystaý rásiminde.