«ıAdrolyq qarýsyz álem» baıqaýynyń jeńimpazdaryn Nagasakı qalasynyń meri marapattady
ASTANA. 11 qazan. QazAqparat /Marlan Jıembaı/ - Búgin elordada «ıAdrosyz álem úshin» atty mektep oqýshylarynyń shyǵarmalary men sýretteriniń respýblıkalyq baıqaýynyń jeńimpazdaryn marapattaý rásimi ótti.
Shara barysynda «ıAdrolyq qarýsyz álem úshin forýmy» atty aýqymdy jıynǵa qatysý úshin kelgen Nagasakı qalasynyń meri Tımıhısa Taýe jeńimpazdarǵa baǵaly syılyqtar tabys etti. Baıqaýǵa qatysýshylar óz týyndylarymen barlyq qazaqstandyq oqýshylardyń ıadrolyq qarýǵa degen teris kózqarastaryn bildirgendigin basa aıtqan ol: «Búkil qazaqstandyqtar men qazaqstandyq balalar atom qarýy adam densaýlyǵyna jáne adamzat qaýipsizdigine qanshalyqty áser etetindigin biledi», - dedi.
Sonymen qazylar alqasynyń sheshimi boıynsha «Úzdik shyǵarma» atalymynda birinshi júlde Shyǵys Qazaqstan oblysynyń Zaısan aýdanyna qarasty Aınabulaq aýylynyń orta mektep oqýshysy Aqmaral Manapovaǵa buıyrdy. Al ekinshi, úshinshi oryndardy almatylyq Dinıslam Bekqalıev pen shyǵysqazaqstandyq Jaınar Nazymqyzy bólisti.
«Úzdik sýret» atalymynda bas júlde Taraz qalasynyń 2 synyp oqýshysy Sanjar Begaıdarovqa buıyrdy. Qostanaı oblysy Jetiqara qalasynyń oqýshysy Janat Temirhanov ekinshi, qaraǵandylyq Muhtar Serikov úshinshi oryndy ıelendi. Sondaı-aq shara barysynda jumystary qazylar alqasynyń kóńilinen shyqqan birqatar oqýshy QR Syrtqy ister mınıstriniń qurmet gramotasymen marapattaldy.
