ıAdrolyq qarýdan óz erkimen bas tartqan elge qaýipsizdik kepili berilýi tıis – Nazarbaev

NUR-SULTAN. QazAqparat – ıAdrolyq qarýdan óz erkimen bas tartqan memleketke ıadrolyq derjavalar qaýipsizdik kepilin berýi tıis. Bul týraly búgin «ıAdrolyq qarýsyz álem jáne jahandyq qaýipsizdik úshin Nazarbaev syılyǵyn» tabystaý rásiminde QR Tuńǵysh Prezıdenti Nursultan Nazarbaev aıtty, dep habarlaıdy QazAqparat tilshisi.

ıAdrolyq qarý negizinde strategııalyq turaqtylyqtyń kónergen tujyrymdamasyn qaıta qaraý qajet. ıAdrolyq qarýlanýdy baqylaýdyń jańa júıesin qalyptastyrý da kerek. Qorytyndysynda ıadrolyq qarýlanýdy qysqartý boıynsha jalpy qamtymdy shartty ázirleý boıynsha kelissózderge shyǵý mańyzdy», – dedi Elbasy.

Nursultan Nazarbaev ıadrolyq derjavalar tarapynan qaýipsizdiktiń zańdy turǵyda mindetti kepiliniń tıimdi júıesin engizý máselesi de barynsha ózekti ekendigin atap ótti.

«Qaýipsizdik kepili óz erkimen ıadrolyq qarýdan bas tartqan, sonymen qatar ıadrosyz mártebesi bar memleketterge berilýi tıis», - dedi ol.