ıAdrolyq energetıkaǵa ınvestıtsııa salý eldiń bolashaǵyn berekeli etedi – Saıasat Nurbek
Mınıstrdiń áleýmettik jelige ıadrolyq ındýstrııa salasyndaǵy jahandyq tendentsııalar týraly pikir jazýyna AQSh-tyń jańa strategııasy sebep bolǵanǵa uqsaıdy.
«Búgin AQSh-ta ıadrolyq damýdyń jańa strategııasy jarııalandy. Kalıfornııadaǵy Loýrens Lıvermor ulttyq zerthanasynyń ǵalymdary tarıhta alǵash ret termoıadrolyq sıntez arqyly «taza energııa ósimine» qol jetkizgen.
AQSh-tyń ıadrolyq damýynyń jańa strategııasy bizdiń otandyq ǵylymı ortamyzdy egjeı-tegjeıli zertteýdi talap etedi. Munyń birneshe sebebi bar.
Birinshi sebep – energetıka salasynyń kún saıyn ózgerip otyratyny. Ǵalymdar men sarapshylardyń kóbi álem elderin energııanyń jańa kózderine kóshýge, energetıkalyq júıeni jetildirýge úndep júr.
Álem bárimizdi birtindep munaı, gaz, kómir sııaqty dástúrli energııa kózderinen bas tartýǵa májbúrlep jatyr. Óıtkeni bul kózderdiń qory tym baıaý qalpyna keledi. Birneshe onjyldyqtardan keıin álemdegi jetekshi elderdiń energetıkasy múldem basqasha sıpatqa enedi», - dep jazdy mınıstr Facebook-tegi paraqshasynda. https://www.facebook.com/sayasat
Onyń paıymynsha, AQSh-tyń ıadrolyq damý strategııasyn qaıta qaraýyna energetıkalyq táýelsizdiktiń qamy túrtki bolyp otyr.
«Ǵalymdardyń paıymdaýynsha, protsess tolyq ıgerilse termoıadrolyq qondyrǵylar ıadrolyq qondyrǵylarǵa qaraǵanda áldeqaıda qaýipsiz bolady. Qazirgi tańda atom elektr stantsııalary energııany alý úshin atomdardy ydyratyp bólý tásilin paıdalanady. Al jańa tásil boıynsha energııany atomdardyń birigýi arqyly alýǵa bolady. Bul áldeqaıda qaýipsiz», - degen Saıasat Nurbek AQSh Energetıka mınıstri Djennıfer Grenholmnen dáıeksóz keltiredi.
«Bul memlekettiń ǵylymǵa salǵan ınvestıtsııasy birneshe eselep qaıtatynyna aıqyn mysal bola alady. Elimizdiń bolashaǵyn berekeli etý úshin osy salany damytyp, ınvestıtsııa baǵyttaý kerek», - dep túıindeıdi mınıstr.
