ıAdrolyq «úshtik», jańa býyn tankteri: Beıjińdegi paradta ne kórsetildi
ASTANA. KAZINFORM – Qytaı Ekinshi dúnıejúzilik soǵystaǵy Jeńistiń 80 jyldyǵyna arnalǵan el tarıhyndaǵy eń iri áskerı sherýde strategııalyq mańyzdy qarý-jaraqtyń sońǵy úlgileriniń birqataryn kórsetti. Sherýde alǵash ret eldiń ıadrolyq «úshtigi» tanystyryldy, dep habarlaıdy Sınhýa aqparat agenttigi.
ıAdrolyq «úshtik»
Qytaı tolyqqandy ıadrolyq «úshtikti» qalyptastyra otyryp, qurlyq, teńiz jáne áýedegi strategııalyq kúshterin alǵash ret tanystyrdy. Onyń quramyna alys qashyqtyqqa ushatyn JingLei-1 avıatsııalyq zymyran, JuLang-3 súńgýir qaıyqtaǵy qurlyqaralyq ballıstıkalyq zymyran, DongFeng-61 qurlyqaralyq ballıstıkalyq zymyran, sondaı-aq qurlyqtaǵy qurlyqaralyq ballıstıkalyq zymyrannyń jańa túri DongFeng-31 kirdi.
Kórermenderge sonymen qatar ushý aımaǵy búkil ǵalamshardy qamtıtyn DongFeng-5C strategııalyq qurlyqaralyq zymyrandary, sondaı-aq joǵary jyldamdyǵymen, qarý-jaraqtyń ený qabiletimen jáne dáldigimen erekshelenetin DF-17 jáne DF-26D gıperdybystyq ballıstıkalyq zymyrandar tanystyryldy.
Árbir abbrevıatýranyń óz maǵynasy bar: YJ — Yingji («Búrkit soqqysy»), DF — Dongfeng («Shyǵys jeli»), teńizge negizdelgen raketalar — JL — Julang («Alyp tolqyn») jáne áýe negizindegi raketalar — Jinglei («Kún kúrkireýi») degendi bildiredi.
Tanystyrylǵan júıelerdiń ishinde JL-3, JL-1, DF-26D, DF-31BJ, DF-61 jáne DF-5C buryn qupııalanǵan bolatyn. Olardyń bir ýaqytta kórsetilýi ıadrolyq «úshtik» qalyptastyrý aıaqtalǵanyn kórsetedi. Bul QHR arsenalyndaǵy burynǵy olqylyqty toltyrdy, óıtkeni Qytaı armııasynda áýedegi yqpaldy ıadrolyq qarýy bolǵan joq.
Jańa býyn tankileri
Jańa brondy tehnıka ishinde besinshi býynnyń «Tıp-100» negizgi jaýyngerlik tankteri men sol serııadaǵy atys qoldaý mashınalary erekshe qyzyǵýshylyq týdyrdy.
Joıǵyshtar jáne strategııalyq avıatsııa
Paradta alǵash ret qytaılyq besinshi býyn joıǵyshtarynyń barlyq túrleri – J-20, J-20A, J-20S, J-35A jáne J-35 bir mezgilde kórsetildi. Sondaı-aq strategııalyq bombalaýshy ushaqtar tanystyryldy.
Ushqyshsyz ushý apparattary
Ushqyshsyz júıeler salasynda Qytaı áskerı-áýe kúshteri operatsııalarynyń jańa túrlerin júrgizýge daıyn ekenin tanytty. Barlaý jáne soqqyǵa arnalǵan ushqyshsyz ushý apparattary, qanatty ushqyshsyz ushý apparattary, kemedegi ushqyshsyz tikushaqtar tanystyryldy.
Kıbersoǵys jabdyǵy
Sondaı-aq kolonnada ulttyq kıberqorǵanysty nyǵaıtýǵa pen barlyq saladaǵy operatsııalardy ótkizýdi qamtamasyz ete alatyn kıbersoǵys júıesiniń tórt kesheni kórsetildi.
Radıelektrondyq soǵys júıeleri
Paradqa áýe jáne ǵarysh qorǵanysyn qamtamasyz etýge, jaý jelilerin isten shyǵarýǵa jáne olardyń tsıfrlyq tizbekterin joıýǵa qabiletti radıoelektrondyq qarsy turý sharalardyń bes túri qatysty.
QHR Ortalyq áskerı keńesi Birikken shtabynyń jedel basqarmasy bastyǵynyń orynbasary general-maıor Ý Tszeke atap ótkendeı, paradta Qytaı qarýly kúshteri qurylymynyń jańa qurastyrylýy usynyldy, sondaı-aq qurlyq, teńiz jáne áýedegi strategııalyq qarý, gıperdybystyq jáne dáldigi joǵary soqqy qarýy, ushqyshsyz apparattardyń keıbir túrleri alǵash ret tanystyryldy.
Buǵan deıin Qasym-Jomart Toqaev áskerı paradty tamashalaǵanyn jazǵan bolatynbyz.