«ıAdrolyq tehnologııalar parki» Atom energııasy jónindegi agenttiktiń qaramaǵyna ótti

ASTANA. KAZINFORM — QR Úkimeti «ıAdrolyq tehnologııalar parki» AQ aktsııalarynyń 100% paketin keıinnen QR Atom energııasy jónindegi agenttigine bekitip bere otyryp, respýblıkalyq menshikke berý týraly qaýly qabyldady, dep habarlaıdy agenttiktiń baspasóz qyzmeti.

Vedomstvo atap ótkendeı, qabyldanǵan sheshim ıadrolyq jáne radıatsııalyq tehnologııalardy odan ári damytýǵa, ǵylymı jáne qoldanbaly jobalardy úılestirýdi kúsheıtýge, sondaı-aq salalyq ınfraqurylymdy basqarýdyń biryńǵaı júıesin qalyptastyrýǵa baǵyttalǵan.

— «ıAdrolyq tehnologııalar parki» AQ radıatsııalyq óńdeý, jedeldetý tehnologııalary jáne ónerkásipte, medıtsınada jáne agroónerkásiptik keshende qoldanbaly ıadrolyq sheshimderdi engizý salasyndaǵy jobalardy iske asyrýǵa arnalǵan mamandandyrylǵan alań sanalady. Integratsııa Qazaqstan Respýblıkasynyń strategııalyq basymdyqtaryna sáıkes atom ǵylymy men tehnologııalarynyń kelisilgen damýyn qamtamasyz etedi, — delingen habarlamada.

Osyǵan deıin «Bolashaq» baǵdarlamasy aıasynda atom energetıkasy mamandary bilim alatynyn jazǵan edik.

Sonymen qatar, Premer-mınıstr atom energetıkasy salasyndaǵy jobalardy baqylaýda ustaýdy tapsyrdy.