ıAdrolyq soǵys saldaryn zertteıtin táýelsiz ǵylymı sarapshylar toby quryldy

ASTANA. KAZINFORM — BUU Bas hatshysy Antonıý Gýterrısh ıadrolyq soǵystyń jergilikti, óńirlik jáne jahandyq deńgeıdegi fızıkalyq jáne áleýmettik saldaryn zertteıtin táýelsiz ǵylymı sarapshylar tobyn qurý týraly málimdedi.

Bul 21 sarapshydan turatyn top qoǵamdyq densaýlyq saqtaý, ekojúıeler, aýyl sharýashylyǵy jáne jahandyq áleýmettik-ekonomıkalyq júıelerge ıadrolyq soǵystyń yqtımal áserin jan-jaqty zerttemek. Aıta keteıik, BUU osyndaı salalar arasyndaǵy keshendi zertteýdi sońǵy ret 1988 jyly júrgizgen bolatyn.

Toptyń qurylýy BUU Bas Assambleıasynyń qararyna negizdelgen. Sarapshylardy taǵaıyndaý — qazirgi jahandyq ahýalǵa jaýap. BUU málimetinshe, ıadrolyq soǵys qaýpi qyrǵı qabaq soǵystan bergi kezeńde bolmaǵan deńgeıge jetken. ıAdrolyq qarý qysym kórsetý quralyna aınalǵan, arsenaldar kúnnen kúnge jańartylyp jatyr. ıAdrolyq qarýlanýdyń jańa jarysy shyndyqqa aınalyp, tejeý júıeleri álsiregen.

Top quramyna ártúrli ǵylymı salalardy qamtıtyn jetekshi sarapshylar engen. Olar aqparat jınaýda halyqaralyq jáne óńirlik uıymdardan, azamattyq qoǵamnan jáne zardap shekken qaýymdastyqtardan derekter alýǵa umtylady. Topta álemniń barlyq aımaǵynan ókilder bar.

Sarapshylar alǵashqy kezdesýin qyrkúıek aıynda ótkizip, 2027 jyly BUU Bas Assambleıasyna qorytyndy baıandama usynatyn bolady.

Buǵan deıin Túrikmenstan ıadrolyq qarýǵa tyıym salý týraly kelisimge qosylýdy qarastyratynyn habarlaǵan edik.