ıAdrolyq nysandarǵa jasalǵan shabýyldar kóbeıip barady – BUU Bas hatshysy
ASTANA. KAZINFORM – BUU Bas hatshysy Antonıý Gýterrısh ıadrolyq nysandarǵa jasalyp jatqan shabýyldardyń kóbeıip, ıadrolyq qarýdyń taralý qaýpi artyp kele jatqanyn eskertti, dep habarlaıdy Iordanııanyń Petra agenttigi.
Gýterrısh álem ıadrolyq energetıka salasyndaǵy tóńkeristiń aldynda turǵanyn, sondyqtan bul úderisti muqııat basqarý men baqylaý qajet ekenin aıtty.
BUU jańalyqtar qyzmetiniń málimetinshe, Gýterrıshtiń málimdemesin onyń atynan Venadaǵy BUU keńsesiniń (UNOV) Bas dırektory Monıka Djýma Atom energııasy jónindegi halyqaralyq agenttiktiń (MAGATE) 70-shi Bas konferentsııasynda oqyǵan.
BUU Bas hatshysynyń aıtýynsha, konferentsııa álemdegi turaqsyzdyq pen belgisizdik kúsheıgen tusta ótip jatyr. Bul rette ıadrolyq nysandarǵa shabýyldar kóbeıip, ıadrolyq tejeý tetikteri men qaýipsizdik kepildikteri álsirep barady.
Gýterrısh MAGATE-men tolyq yntymaqtastyq ornatýǵa shaqyryp, Irannyń ıadrolyq baǵdarlamasynyń beıbit maqsatta ekenin tekserý qajettigin atap ótti. Sondaı-aq ol agenttiktiń Ýkraınadaǵy Zaporoje atom elektr stantsııasynda yqtımal apattyń aldyn alýǵa baǵyttalǵan jumysyn qoldaýǵa úndedi.
BUU basshysy MAGATE-niń kásibıligi, beıtaraptyǵy jáne tehnıkalyq biliktiligi álem úshin asa mańyzdy ekenin atap ótti. Ol múshe memleketterdi agenttikke óz mandatyn oryndaýǵa qajetti qoldaý kórsetýge shaqyrdy.
Gýterrısh ıadrolyq tehnologııalardyń damýǵa jáne beıbitshilikti nyǵaıtýǵa qyzmet etýin qamtamasyz etý úshin MAGATE men BUU arasyndaǵy yntymaqtastyqty odan ári kúsheıtýdi kózdeıtinin aıtty.
Buǵan deıin BAÁ-degi Baraka atom elektr stantsııasynyń mańynda dron soqqysynan órt shyqqany habarlanǵan edi.
Sondaı-aq Prezıdent Qasym-Jomart Toqaev ıAdrolyq synaqtarǵa qarsy halyqaralyq is-qımyl kúnine oraı úndeý jasady.
Al shveıtsarııalyq sarapshy Qazaqstan ıadrolyq qarýdy joıý bastamalarynda kósh bastap kele jatqanyn aıtty.
