ıAdrolyq medıtsına ortalyǵynda 2 myńnan astam adamǵa dıagnostıka jasaldy
ASTANA. KAZINFORM – 2024 jyldyń 1-toqsanynda QR PІB Medıtsınalyq ortalyǵynyń aýrýhanasy bazasyndaǵy ıAdrolyq medıtsına ortalyǵynda 2 197 adamǵa dıagnostıka jasaldy. Joǵary tehnologııalyq PET/KT tekseriske ótinish bergen patsıentterdiń 94%-y tekserýden tegin ótti.
Bul qyzmetter patsıentterge tegin medıtsınalyq kómektiń kepildendirilgen kólemi sheńberinde kórsetildi.
- Ortalyqta PET/KT dıagnostıka adamnyń barlyq dene bóligine jasalady, eń suranys joǵary tehnologııa sanalady. Onyń kezegin kútý ýaqyty 3 aıdan asady. Biz bar múmkindikti paıdalanyp, emdelýshilerdi neǵurlym kóbirek qabyldaýǵa, kezek ýaqytyn azaıtýǵa tyrysamyz, - deıdi ıAdrolyq medıtsına ortalyǵynyń basshysy, medıtsına ǵylymdarynyń doktory Aıgúl Sádýaqasova.
QR PІB Medortalyǵy aýrýhanasynyń ıAdrolyq medıtsına ortalyǵy – PET/KT zertteýlerin júrgizýge 6 radıofarmatsevtıkalyq preparatty qoldanatyn Qazaqstandaǵy jalǵyz klınıka. Ózindik ereksheligi bar preparattardyń árqaısysy belgili bir qaterli aýrýlardy dıagnostıkalaýǵa arnalǵan.
Bıyl ıAdrolyq ortalyq ujymy taǵy 2 radıofarmatsevtıkalyq preparat óndirisin jolǵa qoıýdy josparlap otyr. Jańadan shyǵarylatyn 18F-FLT jáne 18F-FET preparattary mıdaǵy ártúrli isik zaqymdaryn dıagnostıkalaýǵa, sondaı-aq hırýrgııalyq jáne sáýlelik emniń tıimdiligin baǵalaýǵa baǵyttalǵan.
