ıAdrolyq medıtsına: Elimizde 10 radıoaktıvti preparat óndiriledi

ASTANA. KAZINFORM — Qazaqstanda qaterli isikti emdeıtin jańa preparat naýqastarǵa oń áser etip jatyr. «Samarııa» radıoaktıvti dárisin qabyldaǵan 8 patsıent qazir qalypty ómirge qaıta oraldy.

— Qazirgi tańda Qazaqstanda ázirge jalǵyz «Samarııa» atty preparatty engizdik. Bul dári onkologııalyq naýqastardaǵy súıek metastazdaryn emdeýge arnalǵan jáne patsıentterdiń ómir sapasyn edáýir jaqsartady. Preparatty qabyldaıtyn adamdar quramynda esirtki bar nemese aýyrsynýdy basatyn dárilerge táýeldi bolmaıdy. Buryn Qazaqstanda mundaı múmkindik bolǵan emes, — deıdi QR Densaýlyq saqtaý mınıstrliginiń ıAdrolyq medıtsına jónindegi shtattan tys bas mamany Aıgúl Sadýaqasova.

Elimiz ázirge bul preparatty shetelden satyp alyp jatyr.

— Aldaǵy ýaqytta ıAdrolyq fızıka ınstıtýty ony Qazaqstanda óndirýge daıyndyq júrgizip jatyr. Bizdiń ortalyqta jyl saıyn 10–12 myńnan astam naýqas dıagnostıkadan ótedi. Al Samarada emdeýdi bastap kettik. Onda preparatty engizgen naýqastar 7-8 kúnde jaqsarǵanyn sezip, qalypty ómirge kelip jatyr, — deıdi QR PІB MO aýrýhanasynyń ıadrolyq medıtsına ortalyǵynyń basshysy.

Búginde elimizde óndiriletin radıoaktıvti preparattardyń sany 10-ǵa jetken.

— Jalpy, álemde radıoaktıvti preparattardyń túri myńnan asady, biraq jetekshi ıadrolyq ortalyqtar kóbine 6–7-eý ǵana óndiredi. Al biz 10 preparat shyǵaryp otyrmyz jáne bul kórsetkishti ári qaraı arttyrýdy jalǵastyryp jatyrmyz. Budan bólek, biz onkologııalyq dıagnostıka salasyn tolyǵymen qamtydyq jáne endi Parkınson men Altsgeımer sekildi aýrýlardy anyqtaý baǵytynda jumys istep jatyrmyz, — deıdi medıtsına ǵylymdarynyń doktory.

Aıgúl Sadýaqasova dıagnostıkalyq baǵyttaǵy ózge de jetistikterge de toqtaldy.

— Qazaqstanda buryn bolmaǵan balalardaǵy gıperınsýlınızm aýrýyn dıagnostıkalaý júıesin engizdik. Osy dıagnostıkanyń arqasynda 8 balanyń ómirin saqtap qaldyq. Bul preparattar tek dıagnostıkalaýǵa arnalǵan. Al emdeýge qoldanylatyn — «Samarııa» preparaty, — deıdi spıker.

Aıta keteıik, bıyl 43 myńnan astam qazaqstandyqtan qaterli isik anyqtalǵan.