ıAdrolyq derjavalar arasyndaǵy joǵary deńgeıdegi dıalogti jańǵyrtý qajet - Ashyqbaev
ASTANA. KAZINFORM – ıAdrolyq derjavalar arasyndaǵy joǵary deńgeıdegi dıalogti jańǵyrtý qajet. Bul týraly elordada ótip jatqan ІІ Astana Think Tank Forum-2025 halyqaralyq forýmynda Syrtqy ister mınıstriniń birinshi orynbasary Erjan Ashyqbaev aıtty.
- Halyqaralyq is-qımyldyń jańa, ıkemdi formattary zor mańyzǵa ıe bola bastaǵanyna qaramastan dástúrli, ámbebap ınstıtýttar men platformalar áli de jahandyq isterde mańyzdy ról atqarady. Degenmen bul ınstıtýttar da HHІ ǵasyrdyń kúrdeli shyndyǵy men syn-tegeýirinderine saı damýy tıis. Osy turǵydan alǵanda BUU-ny reformalaý asa qajet ári jaltara almaımyz. Bul rette onyń halyqaralyq beıbitshilik pen qaýipsizdigi qoldaýǵa baǵyttalǵan negiz quraýshy jaýapkershiligi ózgerissiz qalýy tıis, - dedi Syrtqy ister mınıstriniń birinshi orynbasary.
Osy oraıda ol eń aldymen Qazaqstan BUU-ny reformalaýdy, ondaǵy Azııa, Afrıka jáne Latyn Amerıkasy elderiniń barynsha ádil ókildigin keńeıtýdi, orta derjavalardyń senim men zákir retindegi rólin nyǵaıtýdy qoldaıtyndyǵyn aıtty.
- Ekinshiden, BUU-nyń jarǵysyn saqtaýdy jáne ınstıtýttaryn nyǵaıtýdy, kónergen protsedýralaryn jaı ǵana saqtap qoımaı onyń arhıtektýrasyn qazirgi qamanǵy syn-tegeýrinderge beıimdeýdi jaqtaımyz. Osy oraıda egemendik, aýmaqtyq tutastyq jáne janjaldardy beıbit retteý sııaqty negiz quraýshy qaǵıdattary múltiksiz saqtalýy tıis. Úshinshiden, ıadrolyq derjavalar arasyndaǵy joǵary deńgeıdegi dıalogty jańǵyrtýǵa, sonymen qatar jappaı qyryp-joıý qarýy qaterin aıtarlyqtaı tómendetýge baǵyttalǵan kópjaqty is-áreketti jandandyrýǵa shaqyramyz. Qazaqstan bul kúsh-jigerge óz úlesin qosýǵa jáne HHІ ǵasyrdaǵy adamzat balasynyń basty maqsaty ıadrolyq qarýsyz álem qurýǵa at salysýǵa daıyn, - dedi Erjan Ashyqbaev.
Aıta keteıik, forým barysynda Ortalyq Azııa saraptamalaryn álemdik zertteý qaýymdastyqtarmen biriktiretin platforma iske qosyldy.
QR Prezıdenti janyndaǵy Qazaqstannyń strategııalyq zertteýler ınstıtýty uıymdastyrǵan is-sharaǵa álemniń 20 elinen 40-qa jýyq sheteldik sarapshy, jetekshi «aqyl-oı ortalyqtarynyń» basshylary men zertteýshileri qatysyp jatyr. Forým aıasynda ótetin 9 taqyryptyq sessııada álemdik saıasat pen halyqaralyq qatynastardyń negizgi baǵyttary talqylanbaq.