ıA.Shvedova júlde qory 4,9 mln. AQSh dollaryn quraıtyn WTA qorytyndy týrnırine qatysady
ASTANA. 17 qazan. QazAqparat - Qazaqstan tennısshisi ıAroslava Shvedova júlde qory 4,9 mln. AQSh dollaryn quraıtyn Áıelder tennısi qaýymdastyǵynyń (WTA) qorytyndy týrnırine qatysady, dep habarlady QR Tennıs federatsııasynyń baspasóz qyzmetinen.
25-30 qazan kúnderi Ystambul qalasynda ótetin Áıelder tennısi qaýymdastyǵynyń qorytyndy týrnırine qatysatyn barlyq juptar belgili boldy. Qazaqstan tennısshisi ıAroslava Shvedova amerıkandyq Vanııa Kıngpen birge atalǵan baıraqty básekege joldama utyp aldy. Aǵymdaǵy maýsymda olar Tsıntsınnatıde ótken WTA týrnırinde jeńimpaz bolyp, US OPEN jarysynda aqtyq synǵa deıin jetken bolatyn. Ystambul týrnıri aıasynda óner kórsetetin tennısshiler: Hısela Dýlko/Flavıa Pennetta, Kveta Peshke/Katarına Srebotnık, Lıza Reımond/Lızel Hýber.
Jyl qorytyndysy boıynsha maýsymnyń úzdik tennısshileri baq synaıtyn jyl saıynǵy halyqaralyq týrnır aǵymdaǵy jyly Túrkııa astanasynda ótedi. Onyń júlde qory 4,9 mln. AQSh dollaryna teń. Ótken jyly Dohada ótken qorytyndy týrnırde Argentına-Italııa juby Hısela Dýlko men Flavııa Penneta jeńimpaz atanǵan bolatyn.
Esterińizge sala keteıik, WTA reıtınginde ıAroslava Shvedova men Vanııa Kıng 8 orynda tur.
