«Y.Altynsarın -2013» respýblıkalyq pándik olımpıadasy ótedi

Ol Qazaq memlekettik qyzdar pedagogıkalyq ýnıversıtetiniń rektory Dınara Nóketaevanyń bastamasymen uıymdastyrylyp otyr. Olımpıadada oqýshylar - qazaq tili men ádebıeti, orys tili men ádebıeti, aǵylshyn tili, fızıka, bıologııa, geografııa, dúnıejúzi tarıhy sııaqty 7 pán boıynsha ózara saıysqa túsedi. Maqsat - mektep bitirýshilerge mamandyq tańdaýǵa kómektesý, daryndy jastardyń óz qabiletterin júzege asyrýyna kómektesý arqyly Qazaq memlekettik qyzdar pedagogıkalyq ýnıversıtetine oqýǵa tartý bolyp tabylady.

«Qyzdar ýnıversıteti» medıaortalyǵynyń habarlaýynsha, olımpıada barlyq jerde bir ýaqytta (12.00-15.00 aralyǵynda) ótedi. Atap aıtqanda Almaty, Taldyqorǵan, Jarkent, Taraz, Shymkent, Túrkistan, Qyzylorda, Qazaly, Qarmaqshy, Óskemen qalalary men Almaty oblysynyń Kegen, Jambyl oblysynyń Qordaı, Qyzylorda oblysynyń Jańaqorǵan aýdandarynda bolady. Onda árbir pán boıynsha 1-3 oryn alǵan oqýshylar tańdaǵan páni mamandyǵyna saı kelgen jáne Ulttyq biryńǵaı testileýde qajetti ótý balyn alǵan jaǵdaıda shákirtaqysyz ýnıversıtet rektorynyń grantyna ıe bolady. Al júldeli orynnan tys qalǵanmen, Olımpıadanyń deńgeıinen ótkenderge oqý orny birinshi kezekte qabyldanýǵa quqyq beretin sertıfıkattar tabys etip, oqýǵa túsýge túrli jeńildikter jasalady.