XXV Búkilálemdik qysqy ýnıversıadada Qazaqstan sportshylary bir «altyn», eki «qola» jeńip aldy
ASTANA. 1 aqpan. QazAqparat /Gúlmıra Álıakparova/ - Qazaqstannyń jas sportshylary 27 qańtar kúni Túrkııanyń Erzýrým qalasynda bastalǵan XXV Búkilálemdik qysqy ýnıversıadaǵa qatysyp, alǵashqy oń nátıjelerin kórsete bastady.
Bul týraly QR Bilim jáne ǵylym mınıstrliginen habarlady. 31 qańtardaǵy nátıjeler boıynsha, Darıa Rybakova frıstaıldan - altyn, Denıs Moıseev - qola júldege ıe boldy. 10 shaqyrymǵa shańǵy jarysynan - Gennadıı Matvıenkoǵa sondaı-aq qola medal buıyrdy.
Ýnıversıadaǵa álemniń 57 elinen 3 myńnan astam sportshy qatysýda. Jarys sporttyń 12 túrinen ótip jatyr. Qazaqstan quramasyna engen 42 sportshy bul dodada - mánerlep syrǵanaý, snoýbord, shańǵy jarysy, frıstaıl jáne hokkeıden (erler komandasy) baq synaýda.
