XXIII qysqy Olımpıadaǵa 25 kún qaldy
Dúbirli doda jaqyndaǵan saıyn sportshylarymyz da taǵatsyzdana kútip júrgeni anyq. Qazirgi tańda Qazaqstan sportshylary sporttyń 4 túrinen 33 lıtsenzııa alyp úlgergenin osyǵan deıin de aıtqan bolatynbyz. Onyń 10-y bıatlonshylarǵa, 10-y short-trekshilerge, 3-eýi mánerlep syrǵanaýshylarǵa jáne 10-y konkımen júgirýshilerge tıesili. Al ózge sport túrlerinen otandastarymyz álem kýboktarynda baq synap jatyr. Osy qańtar aıynyń sońynda Olımpıadaǵa naqtyly qansha sportshy baratyny belgili bolady.
Qazaq sportshylary Phenchhan qalasynda toǵyz sport túrinen óner kórsetýdi josparlap otyr. Olımpıadada jalpy sporttyń 15 túrinen 102 medal jıyntyǵy sarapqa salynady.
Esterińizge sala keteıik, tórtjyldyq doda aqpan aıynyń 9-25 kúnderi aralyǵynda ótedi. Jarystyń saltanatty ashylý rásiminde Qazaqstannyń týyn short-trekten álem kýbogynyń, Ýnıversıada, Azııa oıyndarynyń júldegeri, 2014 jylǵy Sochıde ótken Olımpıada oıyndarynyń qatysýshysy Abzal Ajǵalıev kóterip shyǵady.
