XXIII qysqy Olımpıada oıyndarynyń bastalýyna 2 kún qaldy
Phenchhan qalasy Olımpıada oıyndaryn ótkizý úshin barlyq jaǵdaıdy jasap úlgergen. Búgingi tańda álemniń ár túkpirinen kelgen sportshylar men qonaqtar qalaǵa ornalasyp boldy. Sebebi, aqpannyń 1 kúni Olımpıada oıyndaryn uıymdastyrý komıteti barlyq sport túrlerinen sportshylardy tirkeýdi aıaqtaǵanyn jarııalaǵan bolatyn.
Jalpy Qysqy oıyndarǵa 92 Ulttyq Olımpıada komıtetinen 2295 sportshy tirkeýden ótken. Ońtústik Koreıanyń ózinen 15 sport túri boıynsha 144 sportshy medalǵa talasady. Al Soltústik Koreıadan tórt jyldyq dodaǵa 5 sport túrinen 22 sportshy qatysatyny belgili boldy. Sonymen qatar Phenchhan Olımpıadasyna 6 memleket tuńǵysh ret qatysqaly otyr. Olar - Ekvador (shańǵymen syrǵanaý), Erıtreıa (Alpi shańǵymen syrǵanaý), Kosovo (Alpi shańǵymen syrǵanaý), Malaızııa (Fıgýralyq konkı), Nıgerııa (Bobsleı jáne Skeleton) jáne Sıngapýr (Short Track Skating) sportshylary.
Esterińizge sala keteıik, Qazaqstan sportshylary Olımpıadaǵa 57 joldama jeńip alǵan bolatyn. Olar sporttyń 9 túrinen synǵa túsedi. Aq Olımpıadanyń resmı ashylý saltanaty 9 aqpanda, al jabylý keshi 25 aqpanǵa josparlanǵan.
