XXIII qysqy Olımpıada oıyndarynyń alaýy jaǵyldy
ASTANA. QazAqparat - 2018 jylǵy Phenchhan qysqy Olımpıada oıyndary alaýy Grekııada jaǵyldy, dep habarlaıdy QazAqparat tilshisi.
Olımpıada oıyndary alaýyn jaǵý sharasy jergilikti ýaqyt boıynsha saǵat 12-de Grekııa ejelgi Olımpıada stadıonynda ótkizildi. Saltanatty sharaǵa Halyqaralyq olımpıadalyq komıtettiń prezıdenti Tomas Bah, Grekııa Olımpıada komıtetiniń tóraǵasy jáne Koreıa Respýblıkasynyń premer-mınıstri Lı Nagen qatysty.
Gerekııada ótken dástúrli sharalardan soń Olımpıadalyq oıynnyń estafetasy atalǵan aımaqta 31 qazanǵa deıin jalǵasady. Alǵashqy alaýger grekııalyq shańǵymen syrǵanaýshy Apostolos Angelıs.
Olımpıada alaýynyń Koreıa Respýblıkasyndaǵy alǵashqy estafetasy Inchhon qalasynda 1 qarasha kúni bastalatyn bolady. Alaýdy alǵashqy bolyp dańqty fýtbolshy Pak Chı Son alyp júredi dep josparlanǵan.
Aıta keteıik, 108 kúnge jalǵasqan estafetadan keıin, XXIII qysqy Olımpıada oıyndary alaýy 2018 jyly 9 aqpan kúni Phenchhan qalasynda tutanady. Qysqy Olımpıada oıyndary 25 aqpanǵa deıin jalǵasady.
