XXI ǵasyrdaǵy eń uzaq kún tutylýy 2027 jyldyń 2 tamyzynda bolady
ASTANA. KAZINFORM – 2 tamyzda búkil álem alty mınýtqa qarańǵylyqqa shomady degen qaýeset ınternette tarap jatyr. Mundaı oqıǵa taǵy júz jyl boıy qaıtalanbaıdy degen de boljam bar. Bul aqparat belgili bir deńgeıde shyndyqqa janasady — bul kúni rasynda da erekshe astronomııalyq qubylys bolady, dep habarlaıdy Kazinform Space basylymyna silteme jasap.
2027 jyldyń 2 tamyzynda tolyq kún tutylady. Astronomdardyń aıtýynsha, bul Jerden baqylanatyn XXI ǵasyrdaǵy eń uzaq Kún tutylýy bolmaq. Aı Kúndi tolyq jaýyp, aspandf 6 mınýt 22 sekýnd qarańǵylyq oraıdy. Salystyrmaly túrde alǵanda, 2024 jylǵy sáýirde bolǵan tolyq tutylý eń uzaq degende 4 mınýt 28 sekýndqa ǵana sozylǵan edi.
2027 jylǵy tutylý 258 shaqyrymdyq jińishke jolaq boıymen ótedi jáne ol 11 eldiń aýmaǵyn qamtıdy: Ispanııa, Gıbraltar, Marokko, Aljır, Týnıs, Lıvııa, Egıpet, Sýdan, Saýd Arabııasy, Iemen jáne Somalı.
Tutylýdyń jartylaı fazasyn Afrıka, Ońtústik Azııa men Eýropanyń kóp bóliginen kórýge bolady. Al basqa óńirlerde aıtarlyqtaı ózgeris baıqalmaıdy.
Mamandar bul erekshe qubylysty tamashalaǵysy keletin jandarǵa aldyn ala baqylaý ornyn belgilep, aýa raıyn muqııat qadaǵalaýǵa keńes beredi.
Aıta keteıik, buǵan deıin kún betindegi jarqyldyń belsendiligi kúrt artqanyn jazdyq.