XX jazǵy Azııa oıyndaryna Qazaqstan ulttyq quramasynyń 558 sportshysy qatysady
ASTANA. KAZINFORM – 2026 jylǵy 19 qyrkúıek pen 4 qazan aralyǵynda Japonııanyń Aıtı prefektýrasy men Nagoıa qalasynda XX jazǵy Azııa oıyndary ótedi. Baıraqty básekede Qazaqstan ulttyq quramasynyń sapynan 558 sportshy baq synaıdy.
Qazaqstandyq sportshylar jarys baǵdarlamasyna engizilgen 43 sport túriniń 35-i boıynsha júldege talasady.
Jazǵy Azııa oıyndarynyń resmı ashylý saltanaty 19 qyrkúıek kúni Nagoya City Mizuho Park Athletic Stadium stadıonynda ótedi. Saltanatty shara Qazaqstan ýaqytymen saǵat 14:00-de bastalady.
Qurlyqtyq dodaǵa Azııanyń 45 elinen shamamen 15 myń sportshy qatysady dep josparlanyp otyr. Jarys baǵdarlamasy boıynsha 469 medaldar jıyntyǵy sarapqa salynady.
XX jazǵy Azııa oıyndary Japonııanyń 53 sport nysanynda uıymdastyrylady. Jarystar Aıtı prefektýrasy men Nagoıa qalasynan bólek, Tokıo jáne Osaka qalalarynda, sondaı-aq Sıdzýoka men Gıfý prefektýralarynda ótedi.
Aıta ketelik kúresten U23 álem chempıonatyna qatysatyn el quramasynyń tizimi belgili bolǵan edi.
