XVII Halyqaralyq «Eýrazııa» kınofestıvaliniń jeńimpazdary anyqtaldy
ASTANA. KAZINFORM – Búgin Almatyda ótkizilgen XVII Halyqaralyq «Eýrazııa» kınofestıvali aıaqtaldy. Ortalyq Azııanyń basty kıno oqıǵasy álemniń túkpir-túkpirinen kelgen kınosúıer qaýymdy biriktirdi. Bul týraly Mádenıet jáne aqparat mınıstrliginiń baspasóz qyzmeti habarlady.
Bir apta boıy kórermender 30-dan astam fılmdi tamashalady. Onyń 22-si baıqaý baǵdarlamasyna qatysty. Festıval alańy mádenı pen shyǵarmashylyqtyń qazanyna aınalyp úlgerdi.
Festıvaldiń qatysýshylary men qonaqtaryna QR Mádenıet jáne aqparat mınıstri Aıda Balaevanyń quttyqtaý sózi jetkizildi. Onyń quttyqtaýyn QR Mádenıet jáne aqparat mınıstrliginiń Arhıv, qujattama jáne kitap isi komıtetiniń tóraǵasy Rýstam Álı oqydy.
XVII halyqaralyq «Eýrazııa» kınofestıvaliniń jeńimpazdary:
NETPAC ádil qazylarynyń júldesi «Belgisiz elge» fılmi, rejısseri Mahdı Fleıfel;
Halyqaralyq baıqaý qazylar alqasynyń tóraǵasy Nýrı Bılge Djeılanǵa «Álemdik kınematografııaǵa qosqan erekshe úlesi úshin» syılyǵy berildi;
Belgili qazaqstandyq akter Doshan Joljaqsynov «Qazaqstan kınematografııasyna qosqan erekshe úlesi úshin» marapattaldy.
Halyqaralyq baıqaý:
Eń úzdik áıel rólin somdaǵany úshin júlde – Florentına Holtsıenger, «Aı» (Moon), Avstrııa;
Eń úzdik er rólin somdaǵany úshin júlde – Artýr Pachesnyı, «Joqtyń qasy» (Next to Nothing), Polsha;
Qazylar alqasynyń arnaıy júldesi – «Nırvana» (Nirvana) fılmi, rejısseri Asıf Islam, Bangladesh;
Eń úzdik rejısserlik jumys úshin júlde – Djýn Mın O, «Jyl maýsymdary úıi» (House of the Seasons), Ońtústik Koreıa;
Úzdik fılm úshin gran-prı – «Joqtyń qasy» (Next to Nothing), Polsha, rejısseri Gjegoj Debovskı.
Ortalyq Azııa jáne túrki álemi elderiniń baıqaýy:
Eń úzdik áıel rólin somdaǵany úshin júlde – Elza Karımova, «Ǵashyqtar taýy» (The Lovers’ Mountain), Tatarstan;
Eń úzdik er rólin somdaǵany úshin júlde – Abylaı Marat, «Shekaradaǵy mámile» (Deal at the Border), Qyrǵyzstan;
Qazylar alqasynyń arnaıy júldesi – «Hemme óletin kúnderdiń birinde» (One of the Days When Hemme Dies) fılmi, Túrkııa;
Eń úzdik rejısserlik jumys úshin júlde – Arýan Anartaı, «Joqtaý» (Joqtau), Qazaqstan;
Úzdik fılm úshin gran-prı – «Aq tyrnalar bıleıtin jerde» (Where the White Cranes Dance), Saha Respýblıkasy (Reseı).
Festıvaldiń jabylý saltanatynda KhazaR etno-fıýjn toby, Aljazz estradalyq-sımfonııalyq orkestri jáne VIVAT shoý-baleti óner kórsetip, kıno aptalyǵyn shymyldyǵyn japty.
Dástúrli festıvaldiń negizin qalaýshy jáne uıymdastyrýshy – QR Mádenıet jáne aqparat mınıstrligi. Kınofestıvaldi tikeleı uıymdastyrý Almaty qalasy ákimdiginiń qoldaýymen Sháken Aımanov atyndaǵy «Qazaqfılm» ulttyq kınostýdııasyna júktelgen.