XVI qurmetti Rım Papasy Benedıktiń denesi 5 qańtarda jer qoınyna tabystalady

VATIKAN. TASS-QazAqparat – Dúısenbide Vatıkanda senbi kúni qaıtys bolǵan XVI qurmetti Rım Papasy Benedıkpen qoshtasý rásimi bastalady. 2013 jyly taqtan bas tartyp, qurmetti Rım Papasy ataǵyn alǵan burynǵy pontıfıktiń denesi qoshtasý úshin 09:00-den (jergilikti ýaqytpen saǵat 11:00) Áýlıe Petr soboryna shyǵarylady, dep habarlaıdy QazAqparat TASS agenttigine silteme jasap.

Papamen qoshtasý úsh kúnge sozylady, sodan keıin 5 qańtarda Rım-katolık shirkeýiniń qazirgi qaraýshysy Frantsısktiń marqumǵa arnap baǵyshtaǵan duǵasynan keıin jerleý rásimi ótedi.

Benedıkt XVI tiri kezinde ózi qalaǵanyndaı sobordyń qurbandyq ústeliniń astyndaǵy skrıptaǵa jerlenetini belgili boldy.

Benedıkt XVI 31 jeltoqsanda 95 jasynda qaıtys boldy. Derekkózder 25 jeltoqsanda qurmetti Papanyń densaýlyǵy kútpegen jerden kúrt nasharlaǵanyn habarlady. 28 jeltoqsanda ujymdyq aýdıentsııa kezinde Frantsısk burynǵy Papanyń qatty aýyryp jatqanyn habarlap, ol úshin duǵa etýge shaqyrdy.

Nemis kardınaly, kórnekti teolog Iozef Rattsınger 2005 jyly onyń aldyndaǵy Ioann Pavel II qaıtys bolǵannan keıin Papa taǵyna XVI Benedıkt esimin alyp otyrdy.

2013 jyly ol sońǵy 600 jylda papalyq taqtan bas tartqan alǵashqy pontıfık atandy. Sol kezde 85 jasta bolǵan Benedıkt óz sheshimin Rım-katolıktik shirkeýdi basqarýǵa kúshiniń joqtyǵymen túsindirdi. XVI Benedıkt sońǵy jyldary Vatıkan aýmaǵyndaǵy burynǵy monastyr ǵımaratynda qurmetti Rım Papasy mártebesinde ómir súrdi.

Jeksenbi kúni Qazaqstan Prezıdenti Qasym-Jomart Toqaev Rım Papasy Frantsıskke jáne búkil katolık kóńil aıtý jedelhatyn jiberdi.

Foto: AP Photo/ Andreas Schaad