XVI Halyqaralyq Astronomııalyq olımpıadasy - búkil Qazaqstan eli úshin úlken mańyzdy shara - B. Jumaǵulov
MATY. 23 qyrkúıek. QazAqparat /Názıra Eleýhan/ - Búgingi shara olımpıada qatysýshylary men "Bóbek" ortalyǵy úshin ǵana mańyzdy emes, búkil Qazaqstan eli úshin de mańyzdy shara bolyp tabylady.
Bul týraly búgin Almatyda XVI Halyqaralyq Astronomııalyq olımpıadasynyń ashylý saltanatynda QR Bilim jáne ǵylym mınıstri Baqytjan Jumaǵulovtyń olımpıada qatysýshylaryna joldaǵan quttyqtaýynda aıtyldy. Ony mınıstrliktiń ókili Nurlan Ybyraıymov oqyp berdi.
Quttyqtaýda sonymen qatar: «Halyqaralyq Astronomııalyq olımpıadasyn "Bóbek" ortalyǵynda ótkizý jaıdan-jaı tańdap alynǵan joq. Bizdiń elimizdiń astronomııa salasy boıynsha mektepten tys tájirıbesi mol. Astronomııa qosymsha bilim retinde ótken ǵasyrdyń 60 jyldarynan astronomııalyq úıirme bolyp alǵash ret qalyptasty. 2009 jyly, Dúnıejúzilik Astronomııa jylynda "Bóbek" ortalyǵynyń basshysy Sara Nazarbaevanyń jetekshiligimen ortalyqta Balalar observatorııasy ashyldy. Bul observatorııa jetekshi ǵylymı uıymdarda joq, eń úzdik zamanaýı quraldarmen jabdyqtalǵan. Osyndaı mekemede QR Ǵylym jáne bilim mınıstrligi 20 eldiń ókilderinen quralǵan 21 komandanyń qatysýshylaryna qosh keldińizder deıdi. Qatysýshylarǵa jetistik, jeńis tileımin!",-delingen.
