XVI Benedıkt Vatıkanda jerlendi

VATIKAN. QazAqparat – Vatıkan jurtshylyǵy qurmetti Rım papasy XVI Benedıktpen qoshtasty. Ol 31 jeltoqsanda 96 jasynda qaıtys bolǵan edi, dep habarlaıdy QazAqparat Euronews-ke silteme jasap.

Qoshtasý rásimine myńdaǵan adam qatysty. Olardyń keıbiri Iozef Rattsıngerdiń týǵan jeri - Germanııanyń týyn ákeldi.

Áýlıe Petr soborynyń aldynda qurmetti qonaqtar boldy, olardyń arasynda Italııa premer-mınıstri Djordj Melanı men Uly mártebeli Ispanııa Korolevasy Sofııa boldy. Eske alý messasyn Rım-katolık shirkeýiniń basshysy Frantsısk basqardy.

Rásim barysynda XVI Benedıkttiń hatshysy bolǵan arhıepıskop Georg Gensvaın ashyq Evangelıeni tabyttyń ishine qoıdy.

2013 jyly XVI Benedıkt 600 jylda alǵash ret óz ýákildiginen bas tartqan alǵashqy pontıfık boldy. Ol óz sheshimin Rım-katolık shirkeýin basqarýǵa kúshi jetpeıtinin aıtyp, túsindirdi.

Burynǵy papanyń tabyty Áýlıe Petr soborynyń krıptasyna qoıyldy.

Eske salaıyq, buǵan deıin burynǵy Rım papasy XVI Benedıktiń qaıtys bolǵanyn habarlaǵan edik.

XVI Benedıkt 2005 jyly 78 jasynda papa bolyp saılandy. Ol Rım papasy atanǵan eń egde jastaǵy kardınaldardyń biri boldy.

Foto: AFP TV