XV Halyqaralyq «Shabyt» jastar shyǵarmashylyq festıvaline qatysý úshin ótinim qabyldaý jalǵasýda
ASTANA. 18 qazan. QazAqparat - Búgingi kúni Qazaqstannyń barlyq aımaqtarynan qatysýǵa tilek bildirgen ótinimder kelip túsýde. Qazirdiń ózinde Almaty, OQO, Atyraý, SQO, Aqmola, Qostanaı, Qaraǵandy oblystary ózderiniń qatysatyndyǵyn naqtylady. Bul jaıynda elordanyń resmı saıty habarlap otyr.
Eske salaıyq, Astana qalasy ákimdiginiń uıymdastyrýymen 2012 jyldyń 3-inen 8 qarashasyna deıin Astana qalasynda XV Halyqaralyq «Shabyt» jastar shyǵarmashylyq festıvali ótedi.
Baıqaý jeti túrli atalymda uıymdastyrylatyn bolady. Olardyń arasynda «Klassıkalyq mýzyka», «Jýrnalıstıka», «Beıneleý óneri», «Halyq mýzykasy», «Tsırk óneri», «Jas balet ártisteriniń baıqaýy» jáne «Úzdik ádebı shyǵarma» bar.
Uıymdastyrý komıteti festıvalge qatysýǵa ótinimdi 2012 jyldyń 20 qazanyna deıin qabyldaıdy. Tolyǵyraq aqparatty www.shabyt.astana.kz saıtynan alýǵa bolady.
