XIX jazǵy Azııa oıyndary saltanatty túrde ashyldy
Qytaıdyń Hanchjoý qalasynda XIX jazǵy Azııa oıyndary saltanatty túrde ashyldy, dep habarlaıdy QazAqparat tilshisi.
Dúbirli dodaǵa Azııa Olımpıada keńesi (AOK) quramyndaǵy 45 elden 12 500-den astam sportshy keledi dep kútilip otyr. Bul - rekordtyq kórsetkish.
2018 jyly Indonezııada ótken Azıadada 11 300 adam tirkelip, jańa rekordtyq kórsetkish ornaǵan edi.
Saltanatty sharanyń ashylýynda elimizdiń atynan bokstan ulttyq qurama kapıtany Aslanbek Shymbergenov pen bıiktikke sekirýden kóshbasshymyz Nadejda Dýbovıtskaıa tý ustap shyqty.
Bıyl elimizdiń atynan Hanchjoý qalasynda 30 sport túrinen 524 qazaqstandyq (262 er, 262 áıel) sańlaq baq synaıdy.
Jazǵy Azııa oıyndarynda 8 sport túrinen Parıj Olımpıadasyna joldama beriledi. Básekede 40 sport túrinen júldeler sarapqa salynady.
Saıystar 51 jarys alańynda ótkiziledi. Bul maqsatta 14 jańa keshen salyndy. Kóptegen sport túrinen jarysty Hanchjoý qabyldaıdy.
Al keıbir jarystar Detsın, Tszınhýa, Nınbo, Shaosın men Venchjoý syndy shaǵyn qalalarda bolady.
