XIX ǵasyrdaǵy Ózbekstannyń toqyma óneri týraly kitap jaryq kórdi
Ózbekstannyń XIX ǵasyrdaǵy toqyma óneriniń baı murasyna arnalǵan «Ipak va oltın: Lıboslarnıng mýҳtasham sanatı» («Jibek pen altyn: Kıimniń ǵajaıyp óneri») kitaby jaryq kórdi. Kazinform bul týraly Uza.uz-ge silteme jasap habarlaıdy.
Oqyrmandar ózbek tarıhı kıimderi men dástúrli órnekteri, Ózbekstandaǵy toqyma ónerkásibiniń qalyptasýyna Uly Jibek jolynyń áseri, qolóner sheberleriniń syrtqy álemmen turaqty túrde shyǵarmashylyq almasýy týraly bile alady.
Jańa týyndy shapan, sýretti kilemder jáne zergerlik buıymdar sııaqty ártúrli óner týyndylarymen tanystyrady. Bul óner týyndylaryn daıyndaýda ǵasyrlar boıy sheberlerden shákirtterine jalǵasyp kele jatqan dástúr qoldanylǵan.
Ózbekstan Mádenıet jáne ónerdi damytý qory «Assouline» baspasymen birlese otyryp «Ózbekstan. «Samarqandqa jol», «Ózbekstannyń tiri qazynalary: qolóner saltanaty», «Avangard Shyǵys áýesqoılary» jáne «Orys avangardy» sııaqty birneshe kitap jaryq kórdi.
Bul kitaptar Ózbekstan mádenı-tarıhı murasyna, sáýlettik jáne tabıǵı ásemdigine, eldiń qoldanbaly sándik óneri men zamanaýı sheberlerine, Igor Vıtalevıch Savıtskııdiń avangardtyq murasyna arnalǵan.
Aıta ketý kerek, bul týyndy Mádenıet pen ónerdi damytý qorynyń bastamasymen, avtor ıAffa Assýlın men belgili fotograf Lazız Hamanımen birlesip daıyndalǵan.
