XIV Paralımpıada oıyndary: qazaqstandyq sportshylar erteń jarys jolyna shyǵady

Tamyzdyń 31-i kúni ótetin paýerlıftıng saıystaryna 44 keli salmaq dárejesindegi Kábıra Asqarova qatysady. Qyzylorda oblysynyń týmasy 2010 jyly Azııa oıyndarynyń júldegeri atanǵan bolatyn. Odan keıin qyrkúıektiń 1-i kúni jeńil atlet Islam Sálimov uzyndyqqa sekirse, Aıbek Ábjan (60 keli) paýerlıftıng saıystarynda óz baǵyn synap kórmek. Kelesi kúni Ánýar Ahmetov batterflıaı stılimen 100 metr qashyqtyqqa júzý boıynsha jarysqa túsedi. Al Sergeı Harlamov qyrkúıektiń 5-i kúni uzyndyqqa sekiredi. Sodan soń qyrkúıektiń 8-ine deıin Zúlfııa Ǵabıdýlına men Ánýar Ahmetov arqada, erkin jáne bras stılimen júzý syndaryna qatysady. Sol kúni 100 metrge júgiretin Aınur Baıdýldaeva qazaqstandyq sportshylardyń jarys jolyn aıaqtaıdy. Jalpy, bıylǵy Paralımpıadalyq oıyndarda Qazaqstannyń namysyn 7 sportshy qorǵaıdy. Olar London Olımpıadasy kezinde elimizdiń Ánurany jeti ret shyrqalǵan «ExCell» sport kesheninde óner kórsetpek.

Aıta keteıik, XIV Paralımpıadalyq oıyndarynda altyn alǵan qazaqstandyq sportshylarǵa 50 myń dollar, kúmiske - 35 myń, al qola medalǵa 25 myń AQSh dollary kólemindegi syıaqy belgilenip otyr. Sondaı-aq 4-shi orynǵa - 14 myń, 5-shi orynǵa - 6 myń jáne 6-shy orynǵa 4 myń dollar qarastyrylǵan.