XIV qysqy Paralımpııa oıyndaryna qatysatyn ulttyq qurama tizimi anyqtaldy

ASTANA. KAZINFORM - 6-15 naýryz kúnderi Mılan jáne Kortına-d’Ampetstso (Italııa) qalalarynda XIV qysqy Paralımpııa oıyndary ótedi. 

Tórt jylda bir ret uıymdastyrylatyn dúbirli dodada 79 medal jıyntyǵy sarapqa salynyp, álemniń 600-den astam sportshysy qatysady. Oıyndar baǵdarlamasyna para snoýbord, para hokkeı, taý shańǵysy, arbadaǵy kerlıng, para bıatlon jáne para shańǵy jarysy engizilgen.

Qazaqstan quramasy para shańǵy men para bıatlon boıynsha synǵa túsedi. Ulttyq quramanyń sapyna Erbol Hamıtov, Aleksandr Gerlıts, Sergeı Ýsoltsev, ıÝrıı Berezın, Anna Gracheva, Nurlan Álimuly jáne Denıs Kobal endi.

Qazirgi ýaqytta sportshylar Sankt-Morıts qalasynda (Shveıtsarııa) oqý-jattyǵý jıyndaryn ótkizip jatyr.

XIV qysqy Paralımpııa oıyndarynyń ashylý saltanaty 6 naýryz kúni Verona Olımpıadalyq arenasynda ótedi. 

Eske salsaq qazaqstandyq sportshylardyń 17 aqpandaǵy jarys kestesi shyqqan edi.