XIII Ulttyq Delfıı oıyndarynda SQO komandasy birinshi oryndy jeńip aldy
PETROPAVL. QazAqparat - Soltústik Qazaqstan oblysynyń komandasy XIII Ulttyq Delfıı oıyndarynda básekelesterinen oq boıy oza shyǵyp, birinshi oryndy jeńip aldy, dep habarlaıdy QazAqparat.
Ulttyq Delfıı komıteti dırektorynyń aqparaty boıynsha, Halyqaralyq Delfıı komıtetiniń QR ókili Quralaı Túsipbekovanyń sózinshe, soltústikqazaqstandyqtar osy joly 9 altyn, 11 kúmis, 6 qola medal jeńip aldy.
«Bul oıyndarǵa Qazaqstannyń barlyq aımaqtarynan 600-ge jýyq jas daryndar qatysty. Oblys ákiminiń orynbasary Madııar Qojahmet basqarǵan uıymdastyrý shtabynyń eren eńbeginiń arqasynda oıyndar óte joǵary deńgeıde ótti. Birinshi oryndy Soltústik Qazaqstan oblysynyń komandasy jeńip aldy. Ekinshi orynǵa 4 altyn, 5 kúmis, 2 qola medalmen Astana komandasynyń órenderi laıyqty dep tabyldy. Úshinshi orynǵa 3 altyn, 1 kúmis, 2 qola medal alǵan Aqmola oblysynyń ónerpazdary taban tiredi»,-dedi Quralaı Túsipbekova.
Onyń sózinshe, altyn medal ıegerleri ulttyq delfıı quramasyna alynyp, olar Halyqaralyq Delfıı oıyndarynda Qazaqstan atynan óner kórsetedi.
«TMD aımaǵynda oıyndar ádette sáýir- mamyr aılary aralyǵynda ótedi. Sonymen qatar baıqaý aıasynda TMD kólemindegi taǵy birqatar delfıı kezdesýleri ótedi»,-dedi Quralaı Túsipbekova.
