XIII qysqy Paralımpıada oıyndary resmı túrde jabyldy
Atalǵan saltanatty shara Saltanatty sporttyq shara «Qus uıasy» dep atalatyn ulttyq stadıonynda ótkizildi.
Álemniń 46 elinen kelgen 564 saıysqa qatysýshy sporttyń shańǵy jarysynan, bıatlonnan, taý shańǵysy sportynan, sledj-hokkeıden, arbadaǵy kerlıngten jáne snoýbord sekildi sporttyń alty túrinen 78 júldeni sarapqa saldy.
Eske salsaq, aıtýly alamanda elimizdiń atynan Erbol Hamıtov, Aleksandr Gerlıts, Denıs Petrenko, ıÝrıı Berezın jáne Sergeı Ýsoltsev para shańǵy jáne para bıatlon sport túrlerinen el namysyn qorǵady.
Olardyń arasynan para bıatlonnan túregep syrǵanaýda Aleksandr Gerlıts qola júldeger atandy.
Medaldar kestesinde Qazaqstan Aýstralııa jáne Shveıtsarııamen birge 17-orynǵa jaıǵasty. Qytaı komandasy – birinshi orynda, ýkraınalyqtar – ekinshi orynda, al Kanada úzdik úshtikti túıindedi.
Qazaqstan sportshylary Paralımpıada oıyndaryna 1994 jyldan beri turaqty túrde qatysyp keledi.
Búgingi kúnge deıin el qorjynyna 1 altyn, 1 kúmis medal tústi. 1994 jyly 10 shaqyrymǵa klassıkalyq mánerde shańǵy jarysynda qazaqstandyq Lıýbov Vorobeva kúmis alsa. 2018 jyly shańǵymen jarysta Aleksandr Kolıadın 1,5 shaqyrymǵa klassıkalyq mánerde sprınt jarysynda chempıon atandy.
Endi XIV qysqy Paralımpıada oıyndary Italııanyń Mılane jáne Kortına-d’Ampetstso qalalarynda 2026 jyldyń 6-15 naýryz kúnderi ótkiziledi.
