X Factor-dyń jeńimpazy Sony Music-pen kelisimshartqa otyrdy
ASTANA. 21 mamyr. QazAqparat - 6 mamyr kúni Almatyda X Factor baıqaýynyń ekinshi kezeńiniń aqtyq saıysy aıaqtaldy.
2012 jyldyń jeńimpazy Temirtaý qalasynyń turǵyny Andreı Tıhonov boldy.
Ótken maýsymdaǵy jospar boıynsha qatysýshylardy irikteý kórermenderdiń daýys berý kezeńine deıin áldeqaıda erterek júrgizildi. Qazaqstannyń halyq ártisi Naǵıma Esqalıeva, prodıýser Aleksandr Shevchenko jáne eldegi «Rýsskoe Radıo Azııa» radıostansysynyń bas dırektory Ismaıl Igılmanov eldiń túkpir-túkpirinen kelgen júzdegen úmitkerdi tyńdap shyqty.
Fınal barysynda shoý jeńimpazy qazylar alqasynyń baǵalaýy jáne kórermenderdiń daýys berýi arqyly anyqtaldy. Endi Andreı Tıhonovtyń shoý-bıznestegi jumysyn Qazaqstanda, Reseıde jáne Eýropada alǵa jyljytýmen Sony Music kompanııasy aınalysatyn bolady.
Mýzykant óziniń debıýtti sınglin ázirleýge kirisip te ketti, bul onyń Sony Music-pen kelisimsharty aıasyndaǵy alǵashqy eńbegi bolady.
