WWF International Qazaqstanda jolbarystardy reıntrodýktsııalaýǵa 10 mln eýro bóledi
ASTANA. QazAqparat - Búkilálemdik jabaıy tabıǵat qory Qazaqstanda jolbarystardy reıntrodýktsııalaýǵa 10 mln eýro bóledi. Bul týraly búgin Qazaqstanda jolbarystardy reıtrodýktsııalaý baǵdarlamasyn júzege asyrý boıynsha yntymaqtastyq týraly memorandýmǵa qol qoıý rásiminde QR Premer-Mınıstriniń orynbasary - Aýyl sharýashylyǵy mınıstri Asqar Myrzahmetov málim etti, dep habarlaıdy QazAqparat.
«Eń aldymen biz qajetti barlyq jaǵdaıdy jasaýǵa tıispiz. Jolbarystardy ákelý - bul jobanyń aqtyq bóligi. Olardy ákelmesten buryn qajetti jaǵdaıdy jasaýǵa tıispiz. Sóz úlken ekojúıe tóńireginde bolyp otyr. Muny túsiný kerek. Qajetti qarjyǵa qatysty aıtar bolsam, aıryqsha qorǵalatyn aýmaq túrindegi mundaı mekemelerdi qarjylandyrý úshin normatıv bar. Sondyqtan atalǵan normatıvke sáıkes bıýdjette kelesi jylǵa 117 mln teńge qarastyrylyp otyr. Bul Qazaqstannyń joba qatysýyna qatysty jaıt. Bul joba Qazaqstannyń bıýdjeti esebinen ǵana qarjylandyrylmaıdy. Búkilálemdik jabaıy tabıǵat qory da belsendi qatysady. Bul jaıynda aıtyldy da. Jyl saıyn bul jobany júzege asyrýǵa qor tarabynan 10 mln eýro bólý kózdelýde», - dedi Asqar Myrzahmetov.
Óz kezeginde qujatqa qol qoıǵan WWF International bas dırektory Marko Lambertını qor atalǵan jobany júzege asyrýǵa birneshe mıllıon eýro bóletindigin aıtsa, Nıderlandy Elshisi Dırk ıAn Kop ta óz eli jyl saıyn 200 mln dollar bóletindigin atap ótti.
Esterińizge sala ketsek, shara barysynda Asqar Myrzahmetov 2018 jyly jolbarystar tirshilik etetin «Іle-Balqash» tabıǵı rezervaty qurylatyndyǵyn aıtty.
