WWF ár adamdy Jer saǵatynda «Shamdy óshirip, ekobatyr bolýǵa» shaqyrady
ASTANA. 11 naýryz. QazAqparat - Jer Saǵaty Jahandyq aktsııasy 2013 jyly senbi, 23 naýryz kúni saǵat 20:30-dan 21:30 deıin bolady, dep habarlaıdy Tumsa tabıǵat qory. WWF «Shamdy óshirip, ekobatyr bol!», - dep úndeıdi.
Bul týraly QR Prezıdenti janyndaǵy Ortalyq kommýnıkatsııaar qyzmetiniń saıty habarlady.
«Jer Saǵaty tek qana sham sóndirý kampanııasy emes, odan góri anaǵurlym úlken mańyzǵa ıe, jáne biz qazir onyń nátıjesin kórip otyrmyz», - deıdi aktsııanyń Qazaqstan men Orta Azııadaǵy bastamashysy Alan Besen.
Uıymdastyrýshylar eldegi 1 mln shamasyndaǵy adamdy aǵash otyrǵyzýǵa tartýdy, sondaı-aq 2013 jyly Almaty oblysynyń Qarasaı aýdanynda «Eko Lager» qurýdy, oqýshylarǵa, ǵylymı qyzmetkerler men eriktilerge arnap ekologııalyq ǵylymı-zertteý ortalyǵyn ashýdy josparlaýda.
Jer Saǵaty - álemdegi eń iri ekologııalyq bastama. Birinshi Jer Saǵaty 2007 jyly, Avstralııanyń Sıdneı qalasynda 2,2 mıllıon adam klımattaǵy ózgeristerge múddelilikti yntalandyrý maqsatynda shamdar men basqa da ómirlik mańyzy bar elektr quraldaryn bir saǵatqa óshirip tastaǵan kezde bastalǵan. Sodan beri Jer Saǵaty 152 eldiń 7000-nan astam qalasynda, barlyq qurlyqtyń júzdegen mıllıon turǵyndarynyń qatysýymen ótkizilip keledi.
2009 jyly aktsııaǵa Qazaqstan da qosyldy- «Jer Saǵaty» kezinde elordamyz Astanada jáne oblys ortalyqtarynda iri ǵımarattardyń sáýlettik-kórkemdik shamdary sóndirildi.
