WTI munaıynyń baǵasy Saýd koroliniń qaza tapqany týraly habardan keıin kóterildi
ASTANA. QazAqparat - Álemdegi munaıdy eksporttaıtyn alyp eldiń basshysy - Saýd koroli Abdallanyń qaza bolýy týraly habardan keıin AQSh bırjasynda WTI markili munaı baǵasy ósti, dep habarlady RIA Novostı.
Altynshy saýd koroli Abdalla 91 jasynda ómirden ozdy. Taqqa onyń baýyry Salman otyrdy.
Nıý-Iork bırjasynda jeńil WTI munaı barreliniń quny 2,38%, nemese 1,10 dollardan - 47,41 dollarǵa deıin qymbattady, dep habarlady Bloomberg agenttigi.
Al Brent markili munaıdyń bir barreliniń baǵasy 51 tsentke (1,04%) arzandap, 48,52 dollardy qurady.
Assoshıeıted Press saýalyna qatysqan sarapshylar saýd eliniń munaı mınıstri Álı ál-Naımı taǵy birneshe aı óz qyzmetinde qalsa, eldiń munaı saıasaty ózgerissiz qalatynyn aıtty.
