WTA jańartylǵan reıtıngisindegi Qazaqstandyq tennısshilerdiń orny anyqtaldy
ASTANA. QazAqparat - Áıelder tennısi qaýymdastyǵy (WTA) jeke jáne juptyq synda sportshylardyń jańartylǵan reıtıngisin usyndy, dep habarlaıdy QazAqparat Sports.kz saıtyna silteme jasap.
Úzdik «úshtik» ózgerissiz qaldy: tizimde polıak Iga Svıtek kósh bastap tur, Týnıs tennısshisi Ons Djaber ekinshi orynda, al amerıkalyq Djessıka Pegýla úshinshi orynda jaıǵasty.
Qazaqstannyń birinshi raketkasy Elena Rybakına ázirge 22-orynda. ıÝlııa Pýtıntseva bir satyǵa tómen túsip, 54-shi boldy.
Juptyq saıysta Katerına Sınıakova (Chehııa), amerıkalyq Koko Gaýff jáne joǵaryda atalǵan Pegýla úzdik dep tanyldy.
Qazaqstandyq áıelder arasyndaǵy juptyq reıtınginiń kóshbasshysy Anna Danılına 12-shi oryndy saqtap qaldy. Jibek Qulambaeva 20 satyǵa tómen túsip, 205-shi boldy. Pýtıntseva 316-shy orynda (+7), Rybakına 12 joldy artqa tastap, 443-shi orynnan kórindi.
Foto: sports.kz
