WTA reıtıngisi: Jyl qorytyndysy boıynsha TMD ókilderi alǵash ret TOP-3-ke kirdi
ASTANA. KAZINFORM — Búgin jańartylǵan áıelder tennısi qaýymdastyǵy (WTA) reıtıngisinde oıynshylardyń jyldyq qorytyndy oryndary belgili boldy.
Qazaqstandyq tennısshi Elena Rybakına 8 099 upaımen burynǵysha kósh basynda qaldy.
WTA qorytyndy týrnıriniń jeńimpazy atanǵan reseılik, 19 jastaǵy Mırra Andreeva 7 806 upaı jınap, sporttyq jolynda alǵash ret ekinshi orynǵa shyqty.
Belarýs ókili Arına Sobolenko (6 685 upaı) úshinshi satyǵa syrǵydy.
Osylaısha, maýsym qorytyndysymen TMD quramyna kiretin elderdiń sportshylary alǵash ret TOP-3-ke kirdi.
Úzdik ondyqtaǵy taǵy bir ózgeris, chehııalyq Lında Noskova otandasy Karolına Mýhovany yǵystyryp, 7-orynǵa turaqtady.
Qazaqstandyq ıÝlııa Pýtıntseva 66-dan 65-ke aýysty.
Juptyq synda Qazaqstannyń birinshi raketkasy Anna Danılına 7-satyda qalsa, bıylǵy maýsymda sátti óner kórsetken Jibek Qulambaeva 86-orynǵa kóterilip, óziniń jeke rekordyna qol jetkizdi.
Eske sala keteıik, budan buryn AQSh-ta tennısten WTA qorytyndy týrnıri máresine jetkenin jazǵan edik.