WTA reıtıngi: Zarına Dııas 63-orynǵa taban tiredi
ASTANA. QazAqparat - Qazaqstandyq tennısshi Zarına Dııas jańarǵan WTA (Áıelder tennıs qaýymdastyǵy) reıtınginde 37 oryn joǵarylap, 63-orynǵa taban tiredi, dep habarlaıdy QazAqparat tilshisi.
Keshe Zarına Japonııa astanasy Tokıoda ótken «Japan Women's Open Tennis» halyqaralyq týrnırinde bas júldeni jeńip alǵan bolatyn. Bul onyń WTA sanatyndaǵy týrnırde alǵash ret top jarýy. Fınalda otandasymyz japon tennısshisi Mıa Katony 6:2, 7:5 esebimen jeńdi.
Esterińizge sala keteıik, Zarına Dııas osyǵan deıin feısbýktegi paraqshasynda jeńisti sáti túsirilgen vıdeony jurtpen bólisken bolatyn.
