WTA-nyń jańartylǵan reıtıngi: Zarına Dııas TOP-100-den shyǵyp qalýy múmkin
ASTANA. QazAqparat - Álemdik tennıstiń jańa maýsymdaǵy alǵashqy aptasy aıaqtalar tusta Áıelder tennısi qaýymdastyǵy óz reıtıngin jańartty. Jańa tizimde, tipti, aldyńǵy ondyq ta ózgeriske ushyraǵan, dep habarlaıdy «SPORTINFORM» SAA.
Rýmynııalyq Sımona Halep áli de álemdik reıtıngte kósh bastap tur. Úzdik úshtikke, sondaı-aq, nemis qyzy Anjelık Kerber men dat Karolın Voznıatskı tur. Bir saty joǵarylap japondyq Naomı Osaka 4-shi, amerıkalyq Sloan Stıvens 5-shi orynǵa jaıǵasty.
Odan arǵy tizim bylaı: 6. Elına Svıtolına (Ýkraına) - 4940; 7. Karolına Plıshkova (Chehııa) - 4750; 8. Petra Kvıtova (Chehııa) - 4640; 9. Kıkı Bertens (Nıderlandy) - 4360; 10. Darıa Kasatkına (Reseı) - 3416.
ıÝlııa Pýtıntseva Qazaqstannyń úzdik tennısshisi degen ataǵyn saqtap qaldy, ol burynǵydaı 44-shi orynda tur. Zarına Dııas buǵan deıin 89-orynda turǵan. Ol endi tómen syrǵyp, 98-orynǵa tústi.
Aıta keteıik, keshe eki qazaqstandyq tennısshi Avstralııanyń Sıdneı qalasynda ótken kvalıfıkatsııalyq jarystyń irikteý kezeńiniń fınalynda kezdesken bolatyn.
Jeksenbi tańy tennısshiniń ekeýi úshin de ońaı bolǵan joq. Áýeli Zarına Dııas chehııalyq Barbora Strytsovany 7:5, 1:6, 6:4 esebimen utqan. Odan keıin ıÝlııa Pýtıntseva jergilikti jas tennısshi Destını Aıavany (6:0, 6:2) jeńdi.
Qazaqstandyq sportshylardyń kezdesýi jańbyr kesirinen úzilip otyrdy, alaıda aýa raıynyń qolaısyzdyǵy matchty aıaqtaýǵa kedergi bolǵan joq. Oıyn qorytyndysy boıynsha, ıÝlııa Pýtıntseva qarsylasyn 6:2, 6:2 esebimen utty.
Bul ıÝlııanyń sátsiz ótken eki matchtan keıin Zarınany birinshi ret jeńýi ekenin atap ótý kerek. Buǵan deıin 2017 jyly Tokıoda jáne byltyr Nıý-Heıvende ótken oıyndarda Dııas Pýtıntsevany jeńgen bolatyn.
Qazaqstannyń úzdik tennısshileri: 44. ıÝlııa Pýtıntseva - 1145; 98. Zarına Dııas - 635; 186. Elena Rybakına - 316; 344. Anna Danılına - 114; 508. Gozal Aınıtdınova - 45.
