WTA qorytyndy týrnıri: Elena Rybakına jartylaı fınalǵa joldama aldy

ASTANA. KAZINFORM — Qazaqstannyń birinshi, álemniń 6-raketkasy Elena Rybakına WTA qorytyndy týrnırinde ekinshi kezdesýin ótkizdi. 

Qazaqstandyq tennısshi Serena Ýılıams tobynda álemniń 2-raketkasy, Polsha ókili Iga Shventekpen kortqa shyqty.

Buǵan deıin qarsylastar ózara on ret kezdesip, sonyń altaýynda Shventek basym túsken edi.

Búgingi oıynnyń mańyzdylyǵy sol, onda utqan tennısshi jartylaı fınalǵa joldama alatyn edi. Óıtkeni Rybakına da, Shventek te, alǵashqy kezdesýlerinde jeńiske jetken bolatyn. 

Birinshi partııada Shventek basymdylyq tanytty — 6:3.

Budan keıin Elena des bermedi — 6:1, 6:0.

Bir saǵat 38 mınýtqa sozylǵan básekede Rybakına 5 eıspen birge 7 breıik-poınttyń beseýin paıdalandy. Shventek 2 eıs, 1 breıkpen (3 breık-poınt) shekteldi.
Osylaısha, Elena Rybakına jyldyń qorytyndy týrnırinde óz sporttyq jolynda alǵash ret jaotylaı fınalǵa merziminen buryn shyqty.

Endi E.Rybakına óz tobyndaǵy sońǵy básekesin 5 qarasha kúni álemniń 7-raketkasy, amerıkalyq Medıson Kızben ótkizedi. 

Eske sala keteıik, budan buryn WTA qorytyndy týrnırinde Elena Rybakınanyń álemniń 4-raketkasyn oısyrata jeńgenin jazǵan edik.

Aleksandr Býblık álemdik reıtıngide jeke rekordyna qol jetkizdi.