WTA qorytyndy týrnıri: Elena Rybakına jartylaı fınalǵa shyǵa almady

Qazaqstannyń birinshi, álemniń-raketkasy Elena Rybakına WTA qorytyndy týrnırinde jartylaı fınalǵa shyǵa almady, dep habarlaıdy Kazinform.

Bakalar tobyndaǵy sońǵy kezdesýinde qazaqstandyq tennısshi álemniń 1-raketkasy, Belarýs ókili Arına Sobolenkoǵa 2:6, 6:3, 3:6 esebimen jol berdi.

Jańbyrǵa baılanysty keıinge qaldyrylǵan match eki saǵat jarymdaı ýaqytqa sozylyp, onda E.Rybakına 5 eıs jasap, 12 breık-poınttyń úsheýin ǵana paıdalandy. A.Sobolenkonyń esebinde 6 eıs, 5 breık (10 breık-poınt) bar.

Osylaısha, WTA qorytyndy týrnırine alǵash ret qatysqan Elena Rybakına óz tobynan jartylaı fınalǵa shyǵa almaı, 3-orynda qaldy.

Atalmysh jarysta qazaqstandyq tennısshi 396 myń AQSh dollary kóleminde tabys tapty.

Eske sala keteıik, budan buryn WTA qorytyndy týrnırinde Elena Rybakına – Arına Sobolenko matchy keıinge qaldyrylǵanyn jazǵan bolatynbyz.

Sondaı-aq Jibek Qulambaeva Týnıstegi týrnırdiń fınalyna joldama aldy.

Beıbit Juqaev AQSh-taǵy jarystyń jartylaı fınalyna ótti.