WTA qorytyndy týrnıri: Elena Rybakına tobyndaǵy jeńimpaz anyqtaldy

Meksıkanyń Kankýn qalasynda ótip jatqan WTA qorytyndy týrnırinde Bakalar tobynda jeńimpaz anyqtaldy, dep habarlaıdy Kazinform.

Álemniń 5-raketkasy, amerıkalyq Djessıka Pegýla dúnıejúzilik reıtıngte 9-orynda turǵan grekııalyq Marııa Sakkarıdi 6:3, 6:2 esebimen utty.

Budan buryn amerıkalyq sportshy Elena Rybakına men Belarýs ókili Arına Sobolenkony jeńgen edi. Sóıtip, ol óz tobynan 1-orynmen jartylaı fınalǵa joldama aldy. Úsh ret jeńilis tapqan M.Sakkarı osy topta sońǵy orynǵa tústi.

Qazaqstannyń birinshi, álemniń 4-raketkasy E.Rybakına dúnıejúzilik reıtıngtiń kóshbasshysy A.Sobolenko ekinshi jartylaı fınaldyń joldamasy úshin kortqa shyqty. Birinshi partııada A.Sobolenko 5:1 esebimen utyp jatqan mezette match jańbyrǵa baılanysty toqtatyldy. Oıyn keıin jalǵasatyn bolady.

Eske sala keteıik, budan buryn Beıbit Juqaevtyń AQSh-taǵy týrnırdiń shırek fınalyna shyqqanyn jazǵan bolatynbyz.