WTA qorytyndy týrnıri: Elena Rybakına alǵashqy matchynda jeńilip qaldy

Meksıkanyń Kankýn qalasynda ótip jatqan WTA qorytyndy týrnırinde Qazaqstannyń birinshi, álemniń 4-raketkasy Elena Rybakına alǵashqy matchynda jeńilip qaldy, dep habarlaıdy Kazinform.

Qazaqstandyq tennısshi álemniń 5-raketkasy, amerıkalyq Djessıka Pegýlaǵa 5:7, 2:6 esebimen ese jiberdi.

Saǵat jarymǵa jýyq ýaqytqa sozylǵan matchta Rybakına 5 eıs jasap, 7 breık-poınttyń ekeýin ǵana paıdalandy. Qarsylasy 2 eıs, 5 breıkpen (7 breık-poınt) kózge tústi.

Bakalar tobynda álemniń 1-raketkasy, Belarýs ókili Arına Sobolenko reıtıngte 9-orynda turǵan grekııalyq Marııa Sakkarıdi 6:0, 6:1 esebimen oısyrata utty.

WTA qorytyndy jarysyna alǵash ret qatysyp jatqan E.Rybakına kelesi oıynyn M.Sakkarımen ótkizedi. Sodan keıin A.Sobolenkomen kezdesedi. Jartylaı fınalǵa shyǵý úshin qalǵan eki básekede jeńýi qajet.

Ótken jyly osy dodada jeńimpaz atanǵan frantsııalyq Karolın Garsııa bıyl buǵan óte alǵan joq.

Eske sala keteıik, budan buryn WTA qorytyndy týrnırinde Elena Rybakınanyń qarsylastary belgili bolǵanyn jazǵan edik.