WSJ 2024 jáne 2028 jylǵy jazǵy Olımpıada ótetin qalany atady
ASTANA. QazAqparat - 2024 jylǵy Jazǵy olımpıada oıyndary Parıjde ótýi múmkin. 2028 jyly Olımpıada Los-Anjeleste ótedi dep josparlanýda, dep jazady The Wall Street Journal derekkózderine silteme jasap.
Derekkóz málimetine súıensek, barlyq kelisimder jasalyp qoıyldy, qalǵany Los-Anjeles pen AQSh Olımpıada komıtetine baılanysty.
HOK mynadaı joldy usynýda, 2024 jylǵy Jazǵy olımpıada oıyndaryn ótkizý quqyǵyna ıe bola almaǵan qala 2028 jyly Olımpıadany ótkizedi.
Olımpıadany jeti jyldan keıin ótkizýdi josparlaǵanymen, qalalardyń ákimshilikteri úshin 2028 jylǵy oıyndardy ótkizý «qarjylaı tıimdi jáne durys sheshim» bolmaqshy.
Basylym suhbattasýshylarynyń málimdeýinshe, iri sporttyq shara astanasyn anyqtaý Halyqaralyq olımpıada komıtetiniń basshysy Tomas Bahtyń Los-Anjeles meri Erık Garsettı men AQSh Olımpıada komıtetiniń tóraǵasy Larrı Probspen jeke kezdesýinen keıin qyzý talqylana bastady.
Jazǵy Olımpıada oıyndaryn ótkizýge Parıj ben Los-Anjelesten ózge Gambýrg, Býdapesht jáne Boston qalalary da ótinish bildirgen. Alaıda, bul qalalar ótinishterin keri qaıtaryp aldy. 2024 jyly ótkiziletin Olımpıada astanasyn saılaý qyrkúıek aıynda Halyqaralyq olımpıada komıtetiniń 130-ynshy sessııasynda ótedi.
2028 jylǵy Olımpıada oıyndaryn ótkizýge ótinishter áli túsken joq.
2020 jylǵy jazǵy Olımpıada Tokıoda ótedi.
