WSB jobasynyń fınaly Astanada ótedi
ASTANA. QazAqparat - Búkilálemdik boks serııasy (WSB) VII maýsymyndaǵy «Astana arlandary» men «Kýba qabylandary» arasyndaǵy fınaldyq jekpe-jek Astana qalasynda ótedi, dep habarlaıdy QazAqparat tilshisi.
Bul týraly búgin «Astana» prezıdenttik klýbtyń baspasóz qyzmeti jarııalady.
Atalǵan málimetke sáıkes, qos komanda arasyndaǵy fınaldyq kezdesý 15 shilde kúni «Qazaqstan» sport kesheninde ótedi. Fınaldyq kezdesýlerdiń barlyǵy da bir kúnde ótedi dep josparlanýda.
Esterińizge sala keteıik, osydan biraz ýaqyt buryn «Astana arlandarynyń» bas jattyqtyrýshysy Nurlan Aqúrpekov QazAqparatqa suhbat berip, «Kýba alynbaıtyn tas qamal emes», - dep atap ótken bolatyn .
«Astana arlandary» 2013 jáne 2015 jyldary chempıon atandy. Al alǵashqy 2011 jyly fınalda Frantsııa boksshylaryna bir ǵana esep aıyrmashylyǵymen ese jiberip, kúmis medaldi qanjyǵaǵa baılady. 2012, 2014 jáne 2016 jyldary úzdik úshtikti túıindep, qola medalǵa qol jetkizgen bolatyn.
