WSB jańa maýsymyndaǵy Astana arlandarynyń quramy belgili boldy
ASTANA. 19 qyrkúıek. QazAqparat - Almatydaǵy Energetıka jáne elektrondy tehnologııalar memlekettik kolledjinde ótken baspasóz máslıhatynda Astana arlandary komandasynyń jańartylǵan quramy tanystyryldy,
dep habarlady, Vesti.kz.
Baspasóz máslıhaty barysynda klýbtyń bas dırektory Bolat Mankenov komandanyń jańa jattyqtyrýshysy retinde ótken maýsymda D & G Milano Thunder komandasymen jumys istegen ýkraındyq maman Sergeı Korchınskııdi tanystyrdy. Sondaı-aq jattyqtyrýshylar quramyna Beıbit Esjanov, Oleg Kovalchýk, Vıktor Demıanenko jáne Leonard Pıjertaı kirdi.
B.Mankenov bolashaq josparlarymen de bólisti. «Tanymal álemdik klýbqa aınalǵymyz keledi. Mindet - birinshi bolý. Klýbymyzdyń ataýy da barlyǵynyń aldynda bolýǵa mindetteıdi. Ázirshe bizdiń sapymyzda 16 boksshy bar, al olardyń sany 22 bolýy kerek. Taıaý aralyqta problemaly salmaq sanattaryn nyǵaıtamyz dep úmittenemiz. Draft kezinde kúrzi judyryq jigitterdi qatarǵa tartatyn bolamyz ári ony balansty buzbaı jasaımyz. Óıtkeni klýb quramynyń 60 paıyzy qazaqstandyq boksshylardan, al 40 paıyzy legıonerden quralýy kerek», - dedi ol.
Sondaı-aq klýbtyń bas jattyqtyrýshysy Qanat Islamǵa qatysty jaıttardyń da basyn ashyp berdi. «Taıaýda biz onymen sóılestik. Ol AQSh-ta judyryqtasqysy keletindigin aıtty. Úsh kún buryn Qanat Maıamıge ushyp ketti. Ol jas emes ári ózin tanytyp úlgergisi keledi. Biz Qanattyń joly bolatyndyǵyna senemiz ári oǵan sáttilik tilemiz», - dedi B.Mankenov.
