WSB fınaly: Súleımenov súrinip, Kýba esepti teńestirdi

ASTANA. QazAqparat - Qytaıda WSB serııasy aıasynda ótip jatqan "Astana arlandary" men "Kýba Domadores» komandasy arasyndaǵy fınaldyq kezdesýdiń alǵashqy jekpe-jeginiń ekinshi aıqasynda kýbalyqtar esepti teńestirip ketti, dep habarlaıdy QazAqparat tilshisi.

Sharshy alańǵa ekinshi bolyp shyqqan Іlııas Súleımenovtyń (56 keli) qarsylasy Kaballero Garsııaǵa shamasy jetpedi. Tóreshiler biraýyzdan kýbalyq boksshyny jeńimpaz dep tanydy.

Osylaısha kos komanda arasyndaǵy esep teńesti.

Esterińizge sala keteıik, osyǵan deıin 49 keli salmaqta Temirtas Júsipov kýbalyq qarsylasy Damıan Arse Dýartemen judyryqtasyp, bes rýandtyń qorytyndysy boıynsha 3:0 esebimen basym túsken edi.