WSB fınaly: Shymbergenovtiń qarsylasyna shamasy jetpedi

ASTANA. QazAqparat - Qytaıda WSB serııasy aıasynda ótip jatqan "Astana arlandary" men "Kýba Domadores» komandasy arasyndaǵy fınaldyq kezdesýdiń ekinshi kezeńinde kýbalyqtar 5:3 esebimen alǵa shyqty, dep habarlaıdy QazAqparat tilshisi.

Búgingi jekpe-jekte sharshy alańǵa úshinshi bolyp shyqqan Aslanbek Shymbergenov  (69 keli) qarsylasynan 2:1 esebimen jeńilip qaldy. Ol Ronıel Iglesıaspen judyryqtasqan bolatyn. Asa tartysty ótken jekpe-jekte tóreshiler biraýyzdan bostandyq aralynyń ókilin jeńimpaz dep tapty. Osylaısha kýbalyqtar 5:3 esebimen alǵa shyqty.

Esterińizge sala keteıik, osyǵan deıin 52 keli salmaqta el namysyn qorǵaǵan Sáken Bıbosynov jeńiske jetkenimen artynsha Zakır Safıýllın qarsylasynan utylyp qaldy.

Endi, alda áli eki kezdesý bar. Jarys  Qytaıdyń Sıamyn qalasynda ótip jatyr.