WSB fınaly: Sáken Bıbosynov kýbalyqtarmen esepti teńestirdi
ASTANA. QazAqparat - Qytaıda WSB serııasy aıasynda ótip jatqan "Astana arlandary" men "Kýba Domadores» komandasy arasyndaǵy fınaldyq kezdesýdiń ekinshi kezeńi bastaldy, dep habarlaıdy QazAqparat tilshisi.
Búgin sharshy alańǵa birinshi bolyp "Arlandar" sapynan 52 keli salmaqta el namysyn qorǵaǵan Sáken Bıbosynov esepti teńestirdi. Ol asa tartysty ótken jekpe-jekte kýbalyq Horhe Grınandy basymdylyqpen utty. Tóreshiler biraýyzdan otandasymyzdy jeńimpaz dep tanydy.
Esterińizge sala keteıik, osyǵan deıin, ıaǵnı 26 qyrkúıek kúni fınaldyq kezeńniń alǵashqy aıqastarynda kýbalyqtar 3:2 esebimen basym túsken bolatyn. Mine, búgingi sheshýshi synda Bıbosynov esepti teńestirip úlgerdi.
