WSB fınaly: Kýbalyqtar jekpe-jek aıaqtalmaı chempıon atandy

ASTANA. QazAqparat - Qytaıda WSB serııasy aıasynda ótip jatqan "Astana arlandary" men "Kýba Domadores» komandasy arasyndaǵy fınaldyq kezdesýde kýbalyqtar chempıondyq ataǵyn "Arlandarmen" teńestirdi, dep habarlaıdy QazAqparat tilshisi.

Búgingi jekpe-jekte sharshy alańǵa tórtinshi bolyp shyqqan Bek Nurmaǵanbet (81 keli) qarsylasyna jol berip, nátıjesinde kýbalyqtar aldyn ala chempıondyq ataqqa qol jetkizdi. Nurmaǵanbettyń qarsylasy Hýlıo La Krýz aıqyn basymdylyqpen utyp, jalpy esepti 6:3-ke jetkizdi. Osylaısha sońǵy jekpe-jekte, ıaǵnı asa aýyr salmaqtaǵy boksshylar arasyndaǵy aıqasta qazaqstandyq boksshy jeńiske jetse de kýbalyqtar jalpy esepte ozyp tur.

Búgingi jekpe-jekte  52 keli salmaqta el namysyn qorǵaǵan Sáken Bıbosynov qana qarsylasynan basym tústi.